Գեներալի ընտանիքի անդամները ևս մասնակից են. գլխավոր դատախազ

ԱԺ պատգամավոր Մանվել Գրիգորյանի նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու վերաբերյալ միջնորդագրի քննարկմանը  «Ելք» խմբակցության պատգամավոր Էդմոն Մարուքյանը  գլխավոր դատախազ Արթուր Դավթյանից հետաքրքրվեց, թե, բացի Մանվել Գրիգորյանից, այլ անձինք ներգրավվա՞ծ են գործում, թե՞ ոչ: «Մանվել Գրիգորյանին առաջադրված մեղադրանքը հրապարակելիս նշեցի անուններ, որոնք մասնակցություն են ունեցել նրան մեղսագրվող արարքներից մեկին, այդ մասով արդեն իսկ մեկ անձի նկատմամբ քրեական հետապնդում է հարուցվել, մեկ անձի նկատմամբ այսօր պլանավորված է քրեական հետապնդում իրականացնել»,-նշեց գլխավոր դատախազը: Գործը բավականին մեծածավալ է,ասաց նա: Դատախազը, հաշվի առնելով գործի բարդությունն ու ծավալները, երկու քննչական մարմինների հանձնարարել է  խումբ ստեղծել և զբաղվել գործի քննությամբ: