ՊՆ առաջին բանակային կորպուսի հրամանատարն ազատվել է պաշտոնից, ով է նշանակվել

Նախագահ Արմեն Սարգսյանի 2 հրամանագրերով նոր ազատում ու նշանակում է եղել ՊՆ-ում: Հրամանագրում, մասնավորապես, ասվում է. Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 40-րդ հոդվածի 1-ին մասի 11-րդ կետի և 2-րդ մասի. Արարատ ՄԵԼՔՈՒՄՅԱՆԻՆ ազատել պաշտպանության նախարարության առաջին բանակային կորպուսի հրամանատարի պաշտոնից: Մեկ այլ հրամանագրով, նույն պաշտոնում նոր նշանակում է արվել. Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 35-րդ հոդվածի 2-րդ մասի, 36-րդ հոդվածի 1-ին մասի 1-ին կետի. Ժիրայր ՊՈՂՈՍՅԱՆԻՆ նշանակել պաշտպանության նախարարության առաջին բանակային կորպուսի հրամանատար: