Երևանում ապօրինի կառուցապատում է իրականացրել ՀՀ ԱԺ նախկին պատգամավոր Հակոբ Հակոբյանը (տեսանյութ)

15:31 - 18/հունիսի/2018

Հակոբ Հակոբյանի ապօրինի կառուցապատման և բնակիչներին սպառնալու մասին Երևան քաղաքի Արաբկիր համայնքի Մամիկոնյանց փողոցի հ․42-44 և հ․ 40 շենքերի միջանկայլ հատվածում՝ հ․ 42/1 հասցեում, այս պահին ընթանում է են 16 հարկանի բազմաբնակարան շենքի շինարարական աշխատանքներ: Այս մասին գրված է Ելք դաշիինքի հայտարարությունում: Դեռևս 2013 թվականի սեպտեմբերին Մամիկոնյանց փողոցի հ․42-44 և հ․ 40 հասցեի բնակիչները երկու բարձրահարկ շենքերի միջև կառուցվող բազմաբնակարան շենքի շինարարական նորմերի խախտումների վերաբերյալ ահազանգել են Երևանի քաղաքապետարան։ Բազմաթիվ դիմում-բողոքներից հետո Քաղաքապետաանի աշխատակազմի Քաղաքաշինական գործունեության հատուկ Կարգավորման ծրագրերի բաժնի պետ Արբակ Վարդանյանը քաղաքացիներին պատասխանել է, որ «իրենց կողմից բարձրացված հարցերը ուսումնասիրվել են Երևանի գլխավոր ճարտարապետի կողմից և ըստ նախնական արդյունքների խնդիրը մանրամասն ուսումնասիրման կարիք ունի՝ կապված երկու բարձրահարկ շենքերի միջանկյալ տարածքի հեռավորության և արևահարման ռեժիմի ներմորի պահպանման հետ»։ Նշվել է նաև, որ գլխավոր ճարտարապետի զեկույցի հիման վրա Երևանի քաղաքապետին առաջարկվել է նախքան խնդրի կարգավորումը ժամանակավորապես դադարեցնել շինարարական աշխատանքները։ Պատասխանից մեկ ամիս հետո շինարարական աշխատանքները դադարել են և վերսկսկվել են 2018 թվականի մայիսին։