Ծառուկյանը իշխանությունը վերցնելու բոլոր շանսերն ունի
Հրապարակ օրաթերթը գրում է. Չնայած արտահերթ ընտրությունների անորոշ ժամկետներին, ԲՀԿ-ականներն արդեն ակտիվացել են ու պատրաստվում են ընտրարշավի: Մասնավորապես՝ ակտիվացել ու ամենօրյա ժողովներ է անում Մշոտ Ավետիսյանը՝ Բանգլադեշցի Համիկը, որը Ծառուկյանի նախկին թիկնապահն է եղել, հիմա Մալաթիա-Սեբաստիա համայնքում վերջին տարիներին բացված «Հայաստան» կինոթատրոնի սեփականատերն է: Ի դեպ, «Նեպտուն» մարզահամալիրը նույնպես նրան է պատկանում: Որոշ տեղեկություններով՝ Համիկն աշխատում է Սամվել Ալեքսանյանի «անտեր» թողած թաղային հեղինակություններին համախմբելու ուղղությամբ, նրանց հետ խորհրդատվական զրույցներ է վարում, որ ստեղծված իրավիճակում պետք է ճիշտ կողմնորոշվել ու աշխատել Ծառուկյանի թիմի համար, որը, ըստ Համիկի, իշխանություն վերցնելու բոլոր շանսերն ունի: Հիշեցնենք, որ նա հանրության շրջանում առավել հայտնի դարձավ 2004 թվականի ապրիլի 5-ին լրագրողների աշխատանքը խոչընդոտելուց հետո: Այլ հրապարակումներին ծանոթացեք թերթի այս համարում:
Հետևեք մեզ Viber-ում
