Թրամփը հաղթում է Հյուսիսային Կարոլինայում

Հյուսիսային Կարոլինա նահանգում նախնական ներկուսակցական ընտրություններում Հանրապետական կուսակցության ներկայացուցիչները գրանցել են հետևյալ արդյունքները։ Ձայների 12 տոկոսի հաշվարկից հետո առաջատար է Դոնալդ Թրամփը՝ 41.3 տոկոս արդյունքով։ Թեդ Քրուզն ու Ջոն Քեյսիքը հավաքել են 33.6 և 12.2 տոկոս ձայն։ Օհայոյում ձայների 8 տոկոսի հաշվարկից հետո առաջատար է Ջոն Քեյսիքը։ Նա ստացել է 45.2 տոկոս ձայն, Թրամփն ու Քրուզը՝ համապատասխանաբար 31.7 և 13.6 տոկոս։ «Սուպերերեքշաբթիի» շրջանակում Ֆլորիդայում, Իլինոյսում, Միսուրիում, Օհայոյում և Հյուսիսային Կարոլինայում հաղթող հանրապետականը կստանա կուսակցության պատվիրակների բոլոր ձայները։ Դեմոկրատների մոտ ձայները կբաշխվեն՝ համաձայն քվեարկության արդյունքների։