Եթե նման քայլի գնանք, կվերածվենք Սերժ Սարգսյանի իշխանության

Այսօր կառավարության նիստից հետո, լրագրողների հետ զրույցում ՀՀ ԿԳ նախարար Արայիկ Հարությունյանը անդրադարձավ Շիրակի համալսարանում ստեղծված իրավիճակին և նոր ռեկտորի ընտրությանը: Ինչպես ասաց՝ ԿԳ նախարարությունը չի կարող որևէ ուսումնական հաստատության պարտադիրել որոշումներ ընդունել: «Մենք չենք կարող որևէ ուսումնական հաստատության ստիպել որոշում կայացնել: Եթե նման քայլի գնաս, կվերածվես Սերժ Սարգսյանի իշխանության: ԿԳ նախարարությունն այս դեպքում փորձել է կողմերին հաշտեցնել, շփման եզրեր գտնել: Իրավիճակն այնքան սրված չէ, որքան ներկայացվում է: Այս ընթացքում տարբեր բևեռներում գտնվող ուսանողները նստել են մեկ սեղանի շուրջ: Այդ քննարկումները շարունակվել են ու հաջող ընթացք ունեցել», — նշեց նա: Համալսարանից հեռացված դասախոսների վերականգնման մասին հարցին էլ պատասխանեց, որ ինքն իրավասություն չունի  նման հանձնարարական տալու ռեկտորին: