Ի՞նչ եք ուզում. Արծվիկ Մինասյանը՝ հրաժարականի մասին
«Ոչ, չեմ պատրաստվում հրաժարական տալ, ի՞նչ եք ուզում։ Երեկ մամուլի խոսնակը հերքեց այդ տեղեկությունը։ Ի՞նչ է նշանակում հրաժարական եք տալու», լրագրողների հետ ճեպազրույցում հայտարարեց Մինասյանը՝ պատասխանելով լրագրողների հարցերին Տնտեսական զարգացումների և ներդրումների նախարար Արծվիկ Մինասյանը հերքեց իր հրաժարականի մասին տեղեկությունները:, Նախարարն ասաց, որ ինքը վճռական է տրամադրված, քանի որ տնտեսության զարգացման, հակամենաշնորհային քաղաքականության ոլորտներում «հսկայական անելիքներ կան»։ Արծվիկ Մինասյանը հայտնեց նաև,որ կառավարությունը կոլեգիալ մարմին է, որտեղ որոշումները կայացվում են բոլորի կողմից և այս պահին որոշումն այն է, որ հուլիսի մեկից պետք է գործի կուտակային կենսաթոշակային համակարգի պարտադիր բաղադրիչ: «Պարոն վարչապետը հստակ բացատրեց, որ եթե այս համակարգը հետաձգվի, այն 270 հազար աշխատողները լեգիտիմ հարց են բարձրացնելու՝ ինչու են իրենք համակարգին միացել, բայց այն դարձյալ հետաձգվում է։ Այս փոփոխություններով մենք մեղմում ենք համակարգին միացողների բեռը՝ օրակարգում պահելով շատ հստակ հարց՝ արդյոք պարտադիր կուտակային բաղադրիչը հակասահմանադրակա՞ն է, թե ոչ», - ասաց Մինասյանը։ Հարցին, թե իր համար կասկածելի՞ է, որ պարտադիր բաղադրիչը հակասահմանադրական է, Մինասյանն ասաց. «Մենք համոզված ենք, որ պարտադիր կուտակային համակարգը այն ձևով, ինչպես մենք ունենք, չի համապատասխանում մեր քաղաքացիների շահերին՝ մեր պետության տնտեսական ներկա պայմաններում։ Մեր պայքարը Սահմանադրական դատարանում ու փողոցում հստակ հիմքեր ուներ։ Այս կառավարությունը ունի հնարավորություն ուսումնասիրել հակասահմանադրականության հարցը»:
Հետևեք մեզ Viber-ում
