«Ընդդիմադիր գործիչն իշխանություն տեղափոխվելիս չպետք է իր հայեցակարգը փոխի». Շարմազանովը՝ Փաշինյանին
«Թանդիլյանն ինտելեկտուալ, ճիշտ գործիչ է։ Ես սա ասում եմ որպես ոչ թե գործընկեր, այլ մարդ, որն առնվազն 30 տարի ճանաչում է Մանե Թանդիլյանին։ Դա իր որոշումն է, ես հարգանքով եմ վերաբերվում նման որոշմանը»,- անդրադառնալով Թանդիլյանի հրաժարականին, ԱԺ-ում լրագրողների հետ զրույցում կարծիք հայտնեց ԱԺ փոխնախագահ Էդուարդ Շարմազանովը: Արդյո՞ք սա չի խոսում կառավարության ճաքերի մասին,հարցրեցին լրագրողները. նա արձագանքեց. «Դա կառավարության ճաքերն են, թե ճաքերը չեն, չեմ կարող ասել, որ հետո չասեք` նախկին իշխանությունը չարախնդում է։ Դա կառավարության ներքին խնդիրն է։ Ես ասել եմ՝ մենք կառավարությանը գոտկատեղից ներքև հարված չենք տալու»։ Հարցին՝ ողջունո՞ւմ է Փաշինյանի քայլը` շարունակել պարտադիր կուտակային համակարգը, որը ներդրվել էր ՀՀԿ-ի կողմից, Շարմազանովը պատասխանեց, որ Փաշինյանի` դեռևս վարչապետի թեկնածու եղած ժամանակ ինքը նշել է, որ ընդդիմադիր գործիչն իշխանություն տեղափոխվելիս չպետք է իր հայեցակարգը փոխի։ «Երբ ինքը գովաբանում էր ԵԱՏՄ-ն, ես ասացի` ո՞րն է երաշխիքը, որ Դուք այլ հարցերում չեք փոխելու Ձեր դիրքորոշումը՝ լինելով իշխանություն»,- հիշեցրեց նա։
Հետևեք մեզ Viber-ում
