Ի՞նչ է նշանակում Ամենայն հայոց կաթողիկոսը սատանա է.ինձ սատանա՞ն է ձեռնադրել.Արշակ սրբազան (video)
Մայր Աթոռի դիվանապետ Արշակ արքեպիսկոպոս Խաչատրյանը հայ առաքելական եկեղեցում նույնպես տեսնում է խնդիրներ, սակայն անընդունելի է համարում այդ սխալներն օգտագործել սեփական սանձարձակությունները դրսևորելու համար. «Ես էլ, կաթողիկոսն էլ անում ենք որոշակի սխալներ, մեզանում չկան անսխալականներ, բայց չի կարելի սեփական սանձարձակությունն օգտագործել եկեղեցուն վարկաբեկելու համար»: Ըստ դիվանապետի՝ անարդար է տասնամյակներով կուտակված թերությունների ու սխալների ուղղումը միանգամից պահանջել կաթողիկոսից: Խոսելով իրականացվող ակցիայի մեթոդներից՝ Արշակ սրբազանն ասաց. «Չի կարելի խաչը վերցնել, պարզել հոգևորականների առաջ ու բղավել սատանա: Դուք երևի կադրերում տեսել եք, որ ես ուզում եմ խաչը վերցնել ակտիվիստների ձեռքից: Խաչն այդպես օգտագործելն անթույլատրելի է»: Արշակ սրբազանի խոսքով՝ սխալվում են նրանք, ովքեր կարծում են,թե պայքարելով կաթողիկոսի դեմ, այդպես նրանք չենք պայքարում հայ առաքելական եկեղեցու դեմ: Մանրամասները՝ տեսանյութում.
Հետևեք մեզ Viber-ում
