Ավանդական եկեղեցիներն արժեզրկում եք, իբրև բոլոր հոգևորականները միասեռականներ են. Բանավեճ Կոմիտաս վարդապետի և Տիգրան Եղոյանի միջև (video)
Այսօր Հայելի ակումբում ֆերմեր Տիգրան Եղոյանն ու Կոմիտաս վարդապետ Հովնանյանը բուռն քննարկում էին կաթողիկոսի դեմ ձեռնարկած շարժումն ու թե ի՞նչ արդյունք և հետևանքներ կթողնի շարժումը: Ակցիայի մասնակից Տիգրան Եղոյանի խոսքով՝ կաթողիկոսի դեմ շարժումով իրենք չեն փորձում տկարացնել Մայր Աթոռը. «Ես՝ որպես շարժման մասնակից, վստահեցնում եմ, մենք նպատակ չունենք տկարացնել Մայր Աթոռը, և ոչ ոք մեզ իրավունք չունի ասել, թե աղանդավորներ ենք, որևէ շարժման հետևորդներ»: Կոմիտաս վարդապետ Հովնանյանն էլ հակադարձելով Տիգրան Եղոյանի խոսքին, նշեց. «Այս երևույթը նորություն չէ: Նման երևույթները մշտապես տկարացրել են հայ առաքելական եկեղեցին: Ինչու՞ չենք նշում անձի անունը,այլ շեշտում ենք հայ առաքելական եկեղեցու անունը: Մեղքը գործում է անձը, ոչ թե եկեղեցին»: Կոմիտաս վարդապետ Հովնանյանը վստահ է, որ հայ ժողովրդի անմիասնականությունն է պատճառը, որ ոմանք համագործակցում են ուժ և հնարավորություն ունեցող մարդկանց հետ, և իրենց թույլ են տալիս այն, ինչն այսօր մենք տեսնում ենք: Առավել մանրամասն՝ տեսանյութում.
Հետևեք մեզ Viber-ում
