ՀՅԴ-ն դուրս կգա՞ կառավարության կազմից
ՀՀ կրթության և գիտության նախարար Արայիկ Հարությունյանը չի կարծում, թե ՀՅԴ-ն դուրս կգա կառավարության կազմիցԿ: առավարության նիստից հետո լրագրողների հետ զրույցում ասաց նախարարը՝ անդրադառնալով «Կուտակային կենսաթոշակների մասին» օրենքում լրացումներ կատարելու մասին» նախագծի քննարկման ժամանակ Արծվիկ Մինասյանի հայտարարությանը, ըստ որի՝ ինքը դեմ է քվեարկելու նախագծին: «Ես շատ ուրախ եմ, որ նման քննարկում կա։ Սա բացառիկ երևույթ է ՀՀ պատմության ընթացքում։ Հենց նման քննարկումների արդյունքում կառավարությունն է՛լ ավելի ուժեղ կդառնա»,- ասաց Հարությունյանը։ Դիտարկմանը, թե Նիկոլ Փաշինյանը շատ կոշտ է արձագանքում իրեն ընդդիմացողներին, Արայիկ Հարությունյանն ասաց. «Յուրաքանչյուրն իր դիրքորոշումն ունի և իր դիրքորոշումն արտահայտելու ձևը: Կարծում եմ, որ այնտեղ կոռեկտության որևէ սահման չի խախտվել»:
Հետևեք մեզ Viber-ում
