«Ինչո՞ւ է պաշտպանության նախարարը հայտարարում, թե անհանգստանալու կարիք չկա».Արամ Սարգսյան
«Արցախի հարցը հիմա ավելի քան դառնում է արդիական,քանի որ գործընթացը գնում է փակուղի»,-Հայելի ակումբում լրագրողների հետ հանդիպման ժամանակ ասաց Հայաստանի դեմոկրատական կուսակցության նախագահ Արամ Գ. Սարգսյանը՝ մատնանշելով վերջին օրերին Նախիջևանում տեղի ունեցող իրադարձությունները։ «Արցախյան հակամարտության բանակցային գործընթացը մտնելու է փակուղի: Իրենց համար դա այլևս մեծ հետաքրքրություն չի ներկայացնում, իրենց նպատակները շատ ավելի գլոբալ են։ Զարմանում եմ՝ ինչու է մեր Պաշտպանության նախարարն ամեն անգամ հայտարարում, որ անհանգստանալու կարիք չկա, երբ ադրբեջանական մամուլից պարզվում է, որ Նախիջևանի տարածքում 11 հազար հեկտար են վերցրել: Հայկական կողմը պարտավոր է ուղղակի նախահարձակ, բացահայտող քաղաքականություն վարել»,-կարծիք է հայտնում նա: Նախիջեւանում իրավիճակը տանգանպալի է, ասում է ՀՀ արտակարգ և լիազոր դեսպան Արման Նավասարդյանը: «Այդ քանակի զորքը եւ զենքը, որ այնտեղ է հավաքված ինչի համար է, կարո՞ղ եք ասել: Եթե վաղը նրանք 60կմ-ի վրայից հարվածեն, ի՞նչ ենք անելու: Հնարավոր է երկրորդ ռազմաճակատը բացվի Սիրիայի կողքին: Նույնիսկ Ալիեւը դրա մասին հայտարարեց»:
Հետևեք մեզ Viber-ում
