Դիարբեքիրում իրավապահների հետ բախման հետևանքով երկու երիտասարդ է զոհվել

Դիարբեքիրի կենտրոնական Բաղլար շրջանում մի խումբ երիտասարդներ Սուրում թուրք զինվորականների կողմից իրականացվող կոտորածի և ավերածությունների դեմ բողոքելու նպատակով երթևեկության համար փակել են փողոցը: Ինչպես հաղորդում է «Արմենպրես»-ը, այս մասին տեղեկացնում է թուրքական Demokrathaber.net-ը: Երիտասարդների կողմից փողոցը փակելուց անմիջապես հետո դեպքի վայր են եկել զգալի թվով զրահամեքենաներ, որոնցից կրակ է բացվել երիտասարդների ուղղությամբ: Ի պատասխան դրա՝ երիտասարդները մեքենա են այրել: Թուրքական DIHA լրատվականի տեղեկություններով՝ բախման հետևանքով երկու ցուցարար մահացել է: Նրանց ինքնությունը դեռևս պարզված չէ: