Եկեք վետերանների հարցն էլ կանոնակարգենք...
Եկեք վետերանների հարցն էլ կանոնակարգենք... Այն, որ Երկրապահների միությունն այսօր չգիտես ինչու որոշեց հայտարարել, որ սատարում է պաշտպանության նախարարությանը, առաջին հայացքից մի քիչ տարօրինակ է, բայց հասկանալի՝ այդ միությունը, որը բոլորովին էլ միանշանակ դեր չի խաղացել նախկին ռեժիմների օրոք, փորձում է գտնել իր տեղը նոր իրականության մեջ... Բայց ախր եթե մենք չենք ուզում, որ այդ միությունը շարունակի որոշակի դեր խաղալ քաղաքական կյանքում, եկեք հիմնավորապես լուծենք վետերանների խնդիրները... Ամերիկայում եւ Կանադայում գոյություն ունեն վետերանների հարցերով նախարարություններ... Այս տարի նման նախարարություններ են որոշել ստեղծել Ուկրաինան եւ Չինաստանը... Ընդ որում ամերիկյան այդ նախարարությունը պաշտպանության նախարարությունից հետո ամենամեծն է՝ աշխատում է 280 հազար մարդ... Չեմ առաջարկում նման մի հսկա կառույց ստեղծել, բայց կարելի էր պարզապես ունենալ վարչություն, որը պետականորեն կզբաղվեր վետերանների հարցերով... Ու միանգամից զրոյի կհասցվեր ԵԿՄ-ի եւ մյուս նման կազմակերպությունների քաղաքական դերակատարությունը... Վետերանները կիմանային, որ իրենց իրավունքները պաշտպանում եւ կարիքները հոգում է պետական մարմինը, որը դրա ֆինանսական եւ մյուս հնարավորություններն ունի... Իսկ իրենք եթե ցանկանում են մնալ զուտ որպես հասարակական կազմակերպություն՝ որեւէ հարց չկա... Միայն թե նման կազմակերպությունների ղեկավարները իրենց վոտչինան չդարձնեն առանձին քաղաքներ ու թաղամասեր... Այ սա, վստահ եմ, նոր Հայաստանի իշխանությունները այլեւս թույլ չեն տա... Արմեն Դուլյանի գրառումը
Հետևեք մեզ Viber-ում
