Ջրաշենում իրավիճակը շարունակում է լարված մնալ, պահանջում են նախարարին (տեսանյութ)
Լոռու մարզի Ջրաշեն գյուղի գյուղապետ Վահան Ուռուսյանից դժգոհող բնակիչներն այսօր կրկին բողոքի ցույց են իրականացրել, հերթական անգամ գյուղապետին մեղադրելով ապօրինությունների, գյուղի խնդիրները չլուծելու, բնակիչների առաջ հաշվետու չլինելու ու համայնքի սեփականությունը իրենով անելու համար, գրում է Armtimes.com-ը: Լոռու մարզպետ Հրանտ Մարգարյանը չնայած տեղյակ է գյուղում արդեն մի քանի օր տիրող լարված իրավիճակին, սակայն այսօր ևս գյուղ չէր այցելել, ինչն առաջացրել էր բնակիչների զայրույթը: Գյուղացիները պահանջում են ոչ միայն մարզպետին, այլ նաև Տարածքային կառավարման և զարգացման նախարար Սուրեն Պապիկյանին, ով էլ ըստ իրենց, պետք է և պարտավոր է ուսումնասիրել խնդիրն ու լուծել այն: Դժգոհ բնակիչները պահանջում են նախ պատասխանատվության ենթարկել գյուղապետին, այնուհետ՝ նրա հրաժարականը: Մանրամասներն՝ սկզբնաղբյուրում:
Հետևեք մեզ Viber-ում
