Թե չէ օդ կրակողին չեք գտնի. Լենա Նազարյանը դիմում է Վալերի Օսիպյանին
ԱԺ Ելք խմբակցության պատգամավոր Լենա Նազարյանը ֆեյսբուքյան իր էջում գրառում է կատարել՝ դիմելով Վալերի Օսիպյանին. «Իրականում հեշտ է վերահսկել հրավառությունը: Հիշեցնեմ, որ վերջին օրենսդրական փոփոխությունների համաձայն՝ հրավառության նյութեր վաճառողներին արգելվում է ֆիզիկական անձանց վաճառել հրավառության պարագաներ, իսկ խնջույքներ կազմակերպող իրավաբանական անձինք հրավառություն անելու նյութերը կարող են գնել միայն համայնքի կողմից տրված տարեկան թույլտվության հիման վրա և հրավառություն իրականացնել միայն իրենց մասնավոր տարածքում՝ օրվա հստակ սահմանված ժամին: Խախտումների համար սահմանված են տուգանքներ, իսկ վերահսկումն իրականացնում է համայնքը և ոստիկանությունը: ՀՀ ոստիկանություն, սկսեք վերահսկել վաճառակետերը և զգուշացրեք վաճառողներին, որ վաճառեն միայն իրավաբանական անձանց՝ համայնքի թույլտվության հիման վրա: Թե չէ օդ կրակողին չեք գտնի»:
Հետևեք մեզ Viber-ում
