CNN-ի հայտնի հաղորդավարի մահը կարող է՞ կապված լինել Ղարաբաղի մասին նրա ֆիլմի հետ
Ռուս բլոգեր Ալեքսանդր Լապշինը, ով ազատազրկված է եղել Բաքվում, անդրադարձել է CNN հեռուստաալիքի հաղորդավար Էնթոնի Բուրդենի ինքնասպանությանը:
Արցախ այցելելու համար Ադրբեջանում դատապարտված, ավելի ուշ ազատություն ստացած ռուս-իսրայելցի բլոգեր Ալեքսանդր Լապշինը ֆեյսբուքյան իր էջում արված գրառման մեջ ենթադրել է, որ CNN-ի հայտնի հաղորդավար Էնթոնի Բուրդենի մահը կարող է կապված լինել Ղարաբաղի մասին նրա ֆիլմի հետ: «Ի՞նչ եք կարծում, ամերիկացի հայտնի հաղորդավար Էնթոնի Բուրդենի մահը կապվա՞ծ է Ղարաբաղի մասին նրա ֆիլմի հետ: Ադրբեջանի իշխանությունները կոշտ քննադատել են նրան և սպառնացել դատաստանով: Վերջերս ես Le Monde-ում հոդված եմ հրապարակել «Ադրբեջանն առևանգում է և սպանում բոլորին, ովքեր իրեն դուր չեն գալիս» և ահա անսպասելի «ինքնասպանությունը»: Հիշեցնեմ, որ իմ դեմ մահափորձը Բաքվի բանտում նույնպես փորձել են ինքնասպանություն սարքել: Հիշեցնեմ, որ հայտնի լրագող Անտոն Նոսիկը նույնպես «անսպասելի» մահացավ Ղարաբաղ այցելելուց հետո, իսկ Ադրբեջանի իշխանությունները սպառնում էին նրան»:
Հետևեք մեզ Viber-ում
