Ալիկ Սարգսյանը եւ Ֆելիքս Ցոլակյանը Գառնիկ Մարգարյանի խափանման միջոցը փոխելու երաշխավորություն ներկայացրին

Զինված խմբի գործով ամբաստանյալ Գառնիկ Մարգարյանի պաշտպան Հովիկ Արսենյանը խափանման միջոցը փոխելու միջնորդություն ներկայացրեց դատարանին։ Նա նաեւ ներկայացրեց պատգամավորներ Ալիկ Սարգսյանի եւ Ֆելիքս Ցոլակյանի անձնական երաշխավորությունը խափանման միջոցը փոխելու համար։ Գառնիկ Մարգարյանն այս ընթացքում պատշաճ վարքագիծ է դրսեւորել, կալանավորման հիմքեր չեն եղել, «Հայրենիք եւ պատիվ» կուսակցության ղեկավարն է, գեներալ,ներկայացված  է հիմնավորման մեջ: Պաշտպանը միջնորդեց խափանման միջոց ընտրել ստորագրություն չհեռանալու մասին կամ գրավ սահմանել։ Գործով մեղադրողը հայտարարեց, որ անձնական երաշխավորություն ներկայացրած պատգամավորների ներկայության եւ վճարված անդորրագրերի առկայության պարագայում նոր դիրքորոշում կհայտնի։