«Դուք մեծ արտիստ էիք, դարձաք շարքային վարչապետ». Աշոտյան

ՀՀԿ խմբակցության պատգամավոր Արմեն Աշոտյանը կոչով դիմեց  գործադիրի անդամներին. «Բարի եղեք, յուրաքանչյուրդ վերցրեք ձեր վրա պատասխանատվություն ու մի փակեք մեր քննադատության բերանը՝ Նիկոլ Փաշինյանի կերպարով: Հասկանում ենք՝ հեշտ է պախկվել մեծ հեղինակություն ունեցող վարչապետի թիկունքում, բայց մի արեք: ՀՀԿ-ն երկրի միակ ընդդիմությունն է, գնահատեք այդ ինստիտուտը: Երանի կտայիք, որ այսպիսի գիտակ, ինստիտուցիոնալ ընդդիմություն ունենայիք: Ձեզ հետևողներին ասեք, որ մենք թշնամի չենք, քաղաքական մրցակից ենք, հենվեք մեզ վրա: Մեր կարիքը շատ եք զգալու այս զարգացումների ընթացքում»,- ասաց Արմեն Աշոտյանը: Դիմելով Փաշինյանին՝ Աշոտյանը նշեց, որ վարչապետի ելույթը դուրն եկավ, շատ լավ խոսեց, ելույթն ավելի լավն էր, քան ծրագիր է ներկայացված: «Ստացա կայուն զգացողություն, որ ծրագիրը վարչապետի գրչի տակով չի անցել: Երբ դուք ընդդիմադիր էիք, փայլուն էլույթ էիք ունենում եւ կերազեիք, որ որեւէ կառավարություն նման ծրագիր բերեր: Պատկերացնո՞ւմ եք, թե այստեղ ինչեր կանեիք, ինչ հռետորության դասեր կտայիք: Խոստովանեք, որ հիմա մեզ նախանձում եք»,- հայտարարեց Աշոտյանը: Նա հիշեցրեց, որ երբ 1919 թվականին Ֆրանսիայի վարչապետ Կլեմանսոն շնորհավորում էր Լեհաստանի անկախության առաջին վարչապետերից մեկին՝ աշխարհահռչակ դաշնակահար Կադերեւսկուն, գրել էր՝ «Դուք մեծ արտիստ էիք, դարձաք շարքային վարչապետ»: