Զարտուղի ճանապարհներով բանակից խուսափողները թող ներկայանան ու զորակոչվեն բանակ. Փաշինյանը՝ պաշտոնյաներին

«Կառավարության նախաձեռնած փոփոխությունների մի զգալի մասը չի պահանջում օրենսդրական կամ կառուցակարգային որեւէ փոփոխություն, որեւէ վարկ կամ գրատ, այլ միայն քաղաքական կամք:  ՀՀ-ում չեն լինելու արտոնյալներ, օրենքը գործելու է բոլորի, այդ թվում ամենաբարձրաստիճան պաշտոնյաների ու նրանց ընտանիքների համար: Ու որպեսզի սա չհնչի որպես սպառնալիք, պիտի ջանքեր գործադրեմ, որ այդ սկզբունքը առաջինը գործի իմ ընտանիքի, իմ հարազատների ու բարեկամների նկատմամբ:Հպարտ եմ հայտարարել, որ որդիս դիմում է գրել եւ կամավոր հիմունքներով ծառայությունն իրականացնելու է Արցախում: Մենք քննության ենք ենթարկելու պաշտոնյաների, այդ թվում ԱԺ պատգամավորների որդիների բանակում ծառայած լինել-չլինելու հանգամանքը: Նրանք պետք է ծառայեն այնպես, ինչպես բոլոր երիտասարդները»,-ԱԺ հատուկ նիստում ներկայացնելով կառավարության ծրագիրը, նշեց ՀՀ վարչապետ Նիկոլ Փաշինյանը: «Եթե իրենք գտել են բանակից խուսափելու զարտուղի կամ կիսազարտուղի ճանապարհներ, արձագանքել նոր մոտեցումներին, ներկայանալ զինկոմիսարիատներ եւ զորակոչվել բանակ: Կրկին կոչ եմ անում շուրջ 1,5 տասնյակ հազար մեր հայրենակիցներին, որոնք գտնվում են արտերկրում եւ ում նկատմամբ ժամկետային զինծառայությունից խուսափելու պատճառով հետախուզում է հայտարարված, վերադարձեք, մեկնեք զինծառայության եւ ձեր բաժին պատասխանատվությունը ստանձնեք: Սա նոր Հայաստան է, որից չեն փախչում, այստեղ վերադառնում են այսօրվա ու ապագայի նկատմամբ սիրո զգացողությամբ: Ապացուցեք, որ հաղթանակած ժողովրդի դուխով զավակներն եք»: Նա նշեց, որ այդ անձանց նկատմամբ հետապնդում չի իրականացվի»,-նշեց նա: