Կոռուպցիոներներին հայտնաբերելու ենք ամենամութ ծակերից.Փաշինյան

«Նոր կառավարությունը վերականգնելու է Հայաստան-Ադրբեջան ռազմական խախտված հավասարակշռությունը: Ադրբեջանի ծախսած աստղաբաշխական գումարներին հակադրելու ենք ինովացիոն տեխնոլոգիաները,  արմատախիլ ենք անելու կոռուպցիան եւ որոշումների կայացման կոռուպցիոն մեխանիզմները: Դա անելու ենք հեշտությամբ, քանի որ երկրի ղեկավարը երբ թաթախված չէ կոռուպցիոն որեւէ խարդավանքով,  սա արդեն կոռուպցիան ջախջախելու կարևոր պայման է: Հայտարարում եմ՝ վարչապետի պաշտոնում որեւէ կոռուպցիոն գործարքի մեջ չեմ մտնելու, կողմնակի եկամուտ չեմ ունենալու, որեւէ գույք, բիզնես, բաժնետոմս չեմ ունենալու և այդ  մոտեցում եմ պահանջելու կառավարության յուրաքանչյուր անդամից»,- ԱԺ-ում կառավարության ծրագրի քննարկման ժամանակ հայտարարեց  ՀՀ վարչապետ Նիկոլ Փաշինյանը: « Հայաստանի բոլոր գործարարներն ազատվում են բոլոր պարտավորություններից Ցանկացած պաշտոնյա, որը կփորձի փայ մտնել, նալոգ դնել որեւէ գործարարի վրա, կլինի իմ անձնական թշնամին, պիտի սպասի պետության եւ օրենքի ջախջախիչ հարվածին: Որեւէ մեկը չմտածի, թե կարող է խուսափել պատասխանատվությունից: Բոլոր կոռուպցիոներներին հայտնաբերելու ենք ամենամութ ծակերից: Ոչնչացնելու ենք արհեստական տնտեսական մենաշնորհները»-հայտարարեց նա: