«Ռեկտորները միշտ պետք է պատրաստ լինեն, որ ուսանողները պայքարելու են իրենց իրավունքների համար». Աննա Հակոբյան

Երևանի պետական համալսարանի ուսանողների հետ հանդիպումից հետո «Հայկական ժամանակ» թերթի խմբագիր, ՀՀ վարչապետ Նիկոլ Փաշինյանի տիկին Աննա Հակոբյանը լրագրողների հետ զրույցում անդրադառնալով ԵՊՀ-ում տեղի ունեցած իրադարձություններին և պատասխանելով հարցին, թե ինչպե՞ս է գնահատում ուսանողների՝ ռեկտորի հրաժարականին ուղղված բողոքի ակցիաները, ասել է, որ չի կարող ուսանողների քայլին բացասական գնահատական տալ. «Ուսանողներն այն սերուցքն են, որոնք մեր երկրի և քաղաքական դաշտի հիմքն են լինելու: Եվ եթե նրանք չկարողանան իրենց խոսքն ասել, իրենց բողոքն արտահայտել, ապա ինչպիսի խնդիր կլինի մեր երկրի և մեր անվտանգության համար: Ուստի, ուսանողներն ամբողջ աշխարհում ամենաակտիվն են և նրանց ղեկավարներն ու ռեկտորները պետք է պատրաստ լինեն նման իրավիճակների»: