Ռուս զինվորները սկսել են լքել Սիրիան

Սիրիայում ռուսական ռազմական խմբավորումների անձնակազմը սկսել է վերատեղաբաշխվել դեպի Ռուսաստանում տեղակայված օդակայաններ: Սարքավորումները և նյութատեխնիկական միջոցները բեռնվում են ռազմատրանսպորտային ավիացիայի ինքնաթիռներ: Այդ մասին տեղեկացրել է Ռուսաստանի պաշտպանության նախարարության մամլո ծառայության և տեղեկատվության վարչությունը՝ փոխանցում է haqqin.az-ը: Պաշտպանության նախարարությունում նշել են, որ 5000 կմ-ից ավելի թռչելու դեպքում ինքնաթիռները միջանկյալ վայրէջք են կատարում Ռուսաստանի օդանավակայաններում՝ վառելիքի վերալիցքավորման և տեխնիկական վիճակի ստուգման համար: Նախօրեին ՌԴ նախագահ Վլադիմիր Պուտինը հրաման է տվել մարտի 15-ից սկսել Ռուսաստանի հիմնական ռազմական ուժերի դուրսբերումը Սիրիայից: