Դավիթ Տոնոյանը՝նախիջևանյան հատվածում Ադրբեջանի ԶՈւ դիրքերի տեղաշարժերի հետ կապված մտահոգությունների մասին (video)
«ՀՀ պաշտպանության նախարարությունը հայ-ադրբեջանական սահմանի նախիջևանյան հատվածում Ադրբեջանի ԶՈւ դիրքերի տեղափոխման հետ կապված ոչ մի մտահոգություն չունի :Իրավիճակն ամբողջովին վերահսկելի է և մենք մեր արդյունավետ գործունեության միջոցով չեզոքացնում ենք այդ ցանկացած փոփոխություն», - լրագրողների հետ զրույցում ասաց ՀՀ պաշտպանության նախարար Դավիթ Տոնոյանը: «Բոլորը պետք է գիտակցեն, որ Ադրբեջանն իր տարածքում է իրականացնում որոշակի տեղափոխումներ: Դա Ադրբեջանի` Նախիջևանի հանրապոտության տարածքն է», - ասաց նա: Կարիք չկա՞ իրավիճակի մասին տեղեկացնել ՀԱՊԿ-ին,հարցրեցին լրագրողները , Դավիթ Տոնոյանն արձագանքեց. «Այս պահին ոչ մի միջամտության կարիք չկա: Ես կարծում եմ, որ մենք պետք է իրավիճակը սթափ գնահատենք, ոչ մի խնդիր այս պահին Պաշտպանության նախարարությունը չի տեսնում: ՀԱՊԿ-ի ներգրավվման խնդիր ընդհանրապես չկա»:
Հետևեք մեզ Viber-ում
