Պատրաստ ենք արտահերթ ընտրությունների շուրջ քննարկումների. Հարությունյանը՝ Փաշինյանին
«Պատրաստ ենք կառավարության հետ քննարկել արտահերթ ընտրությունների հարցը , բայց այն պետք է տեղի ունենա ԱԺ բոլոր քաղաքական ուժերի միջեւ: Մենք մինչեւ հիմա որեւէ քննարկման հրավեր չենք ստացել: Մենք ողջունում ենք Փաշինյանի այն միտքը, որ պետք է ընտրություններն անցկացնենք մի քանի մեխանիզմներ փոփոխելով: Նա խոսում է մատնահետքերի մեկ միասնական համակարգի ներդրման մասին, ողջունում ենք»,- ՀՀԿ ԳՄ նիստից հետո լրագրողների հետ զրույցում ասաց ԳՄ անդամ, արդարադատության նախկին նախարար Դավիթ Հարությունյանը «Ռեյտինգային համակարգի մասին մենք մենք ասում ենք, որ սա շատ օգտակար է: Մենք պատրաստ ենք քննարկել նաեւ այս հարցը, թեեւ կարծում ենք, որ սա լավագույն տարբերակն է Հայաստանի համար»,- նշեց նա: Ինչով է պայմանավորված այս ժամանակահատվածում գործող կառավարությանը համագործակցության մեսիջ հղելը հարցին , Դավիթ Հարությունյանը պատասխանեց, որ սա արվում է նրա համար, քանի որ հասարակությունում թյուրիմացություն կար, որ ՀՀԿ-ն փորձում է տապալել ընտրությունները: «Ոչ թե փոխում ենք դիրքորշումը, այլ պատրաստ ենք քննարկել արտահերթի հարցը: Ռեյտինգայինին՝ բաց ցուցակների մասով պատրաստ ենք քննարկել, ներկայացնել մեր փաստարկները, լսել հակափաստարկները: Որեւէ փակ, չքննարկվող հարց չկա: Միակ բանը, Փաշինյանին այն երկու սկզբուքնները, որ հայտարարել է, հույս ենք հայտնում, որ չեն նահանջելու»,- հարցին,թե ՀՀԿ-ն փոխում է իր դիրքորոշումը եւ ցանկանում է գնալ արտահերթ ընտրությունների,նման պատասխան տվեց Դավիթ Հարությունյանը:
Հետևեք մեզ Viber-ում
