Օսիպյանը հերթափոխի բոլոր ոստիկաններին գործից ազատել է. Պատճառը Վովայի Արշա՞կն է
«Հրապարակ» թերթը գրում է. «Մեր տեղեկություններով՝ ՀՀ նախկին ոստիկանապետի թիկնազորի պետ Արշակ Հակոբյանն օրերս այցելել է եղբորը՝ Սարգիս Հակոբյանին, ով Քրօր. 258 հոդվածով (խուլիգանություն) կալանավորվել է և գտնվում է ձերբակալվածների պահման վայրում։ Եվ քանի որ պահման վայրի բոլոր ոստիկանները նրան լավ գիտեն, թույլ են տվել մտնել, եղբորը տեսնել։Օսիպյանը, իմանալով այդ մասին, հերթափոխի բոլոր ոստիկաններին գործից ազատել է։ Մեր հարցին ի պատասխան, թե ինչ հիմնավորմամբ են նրանց ազատել, ոստիկանության լրատվական պատասխանատու Աշոտ Ահարոնյանն ասաց. «ՁՊՎ՝ ձերբակալվածների պահման վայրի պետի փոփոխություն է կատարվել՝ ոստիկանության պետի հրամանով, նոր նշանակում է եղել, սակայն Ձեր կողմից նշված այցելության մասին լուրը չի համապատասխանում իրականությանը»։Ի դեպ, փոփոխությունը տեղի է ունեցել նշված այցի հաջորդ օրը»։
Հետևեք մեզ Viber-ում
