Էրեբունու թաղապետի հովանավորյալ Պիստը որոշել է «լինչի դատաստան» տեսնել
«Հրապարակ» օրաթերթը գրում է.«Հայտնի հեղինակություն Պիստ Արմենը՝ Արմեն Իսրայելյանը, ում համարում են Էրեբունու թաղապետ Դավիթ Գրիգորյանի տանիքը, վերջին օրերին թաղի մանկապարտեզների եւ դպրոցների տնօրեններին խիստ հանձնարարական է տվել՝ պարզել բոլոր այն «դավաճաններին», ովքեր ահազանգել են իրավապահ մարմիններին, թե մարդկանց պարտադրաբար ուղարկում են ակցիաների՝ ի պաշտպանություն Տարոն Մարգարյանի։Տեղեկություններ կան, որ որոշ կրթական հաստատություններից եւ մասնավորապես Պիստի քրոջ տնօրինությամբ գործող թիվ 64 մանկապարտեզի վերաբերյալ անհայտ անձինք ահազանգել են իրավապահներին՝ հայտնելով, որ աշխատակազմին պարտադրաբար ցույցերի են ուղարկում։ Պիստն էլ որոշել է «լինչի դատաստան» տեսնել «դավաճանների» նկատմամբ» , գրում է թերթը։
Հետևեք մեզ Viber-ում
