«Ինձ զգում էի հանրապետական չինովնիկի կարգավիճակում». Դավիթ Սանասարյան
Պետական վերահսկողական ծառայության (ՊՎԾ) պետ Դավիթ Սանասարյանը ֆեյսբուքյան իր էջում գրել է. «Քանի որ շատերն են անունս նշում և հարցեր տալիս երեկվա միջոցառումների մասին, անձնական կարծիքս հետևյալն է՝
երեկվա միջոցառման մեջ ես առանձնացնում եմ վարչապետի ելույթը, որը նոր ու կարևոր խոսք էր, մնացածը նախորդ համակարգի տրամաբանության ու տրամադրության շրջանակներում էր։ Տեղեկացնեմ, որ միջոցառման սցենարն ու կազմակերպչական աշխատանքները նախագծվել ու իրականացվել են նախորդների կողմից։ Ինքս մասնակից լինելով և՛ Սարդարապատի հուշահամալիրի, և՛ Հանրապետության հրապարակի միջոցառումներին, կարող եմ ասել, որ ինձ զգում էի հանրապետական չինովնիկի կարգավիճակում։ Հուսով եմ՝ այսուհետ նման որակի միջոցառումներ չեն լինի։ Սիրում եմ բոլորիդ, հատկապես երեկվա գորշությունը չընդունողներին: Հ.Գ. Ովքեր որ բարեխղճորեն իրականացրել են իրենց աշխատանքային պարտականությունները միջոցառման կազմակերպման ու իրականացման գործում, ասեմ, որ գնահատում եմ նրանց աշխատանքը, խոսքը բացառապես սցենարի ու նախկին տրամադրությունների, նախկին պատվերի մասին է։ Ձեզ նույնպես սիրում եմ»։
Հետևեք մեզ Viber-ում
