Որոշումները պետք է բխեն բացառապես օրենքի պահանջներից. ինչ նամակներ է ստացել Օսիպյանը

ՀՀ ոստիկանության հասարակայնության հետ կապի եւ լրատվության վարչության փոխանցմամբ, վերջին օրերին բազմաթիվ քաղաքացիներ ոստիկանների ու ոստիկանության գործունեության վերաբերյալ տարբեր հարցադրումներով նամակներ են հղում ոստիկանության պետին: Բոլոր նամակները պարտադիր ուսումնասիրվում են, սակայն պետք է նկատի ունենալ, որ ոստիկանությունն իրավապահ կառույց է եւ օրենսդրությամբ իրեն վերապահված գործողությունների շրջանակ ունի, ուստի քաղաքացիների հարցադրումներն ու առաջարկները քննարկվում ու գնահատվում են հենց այդ շրջանակում, եւ որոշումներն էլ պետք է բխեն բացառապես օրենքի պահանջներից: Ոստիկանությունը հավաստիացնում է, որ կարեւորել ու կարեւորում է հասարակության աջակցությունը եւ միշտ պատրաստ է առարկայական ու արդյունավետ համագործակցության: