Շարմազանովը՝ ՀՀԿ-ն լքող պատգամավորների մասին

ՀՀԿ կուսակցության խոսնակ, ԱԺ փոխնախագահ Էդուրադ Շարմազանովը խորհրդարանում լրագրողների հետ զրույցում անդրադարձավ ՀՀԿ-ն լքող պատգամավորներին։ Նա ասաց, որ նորմալ քաղաքական գործընթացներ են, մարդիկ գնում են ու գալիս։ Շարմազանովն ասաց, որ նման միտում չի տեսնում, որ ՀՀԿ-ն խորհրդարանում կարող է փոքրամասնություն լինել։ «Խմբակցությունը միաձայն որոշեց իր քաղաքական դիրքորոշումը արտահայտել այդ իրավիճակին եւ բացի իր դիմումից խմբակցությունը հանդես եկավ նման քաղաքական որոշմամբ եւ Շիրակ Թորոսյանը դուրս է եկել խմբակցությունից»: Հարցին՝ Արթուր Գեւորգյանի, Շիրակ Թորոսյանի մանդատը վայր դնելը ճի՞շտ եք համարում՝  ասաց. «Տարբեր մոտեցումներ կան, ես ասել էի, որ եթե կուսակցությունը որոշի կողմ քվեարկել, ես դեմ կքվեարկեմ եւ վայր կդնեմ մանդատս»: