Ռեկտորի հրաժարականը կարող է լինել, երբ...Արամ Սիմոնյան
Արդեն տեղեկացրել ենք,որ ուսանողների պահանջով ԵՊՀ ռեկտոր Արամ Սիմոնյանը հանդիպեց բողոքող ուսանողների հետ: «Ձեր պահանջներն իրավաչափ չեն. ռեկտորի հրաժարականը կարող է լինել, երբ դիմում է տալիս, և երբ հոգաբարձուների խորհուրդը հետ է կանչում կամ քվեարկում է, որ թողնի պաշտոնը: 2 դեպքն էլ իրավական հողի վրա են: Ամեն ինչ պետք է արվի օրենքով: Հոգաբարձուների խորհուրդն ընտրվել է Կառավարության որոշմամբ, հասցեատերը Կառավարությունն է, ես նույնիսկ իրավունք չունեմ քվեարկելու»,- հրաժարականի մասին պահանջին արձագանքելով ասաց ԵՊՀ ռեկտոր Արամ Սիմոնյանը: «Հոգաբարձուների խորհրդի 25%-ն իրավունք չունի հոգաբարձուների խորհրդի անդամ լինել, հանձինս Սերժ Սարգսյանի ու մյուս նախկին պաշտոնայների»,- պատասխանեց ուսանողներից մեկը: «Հարցը բարձրացրեք Կառավարության առաջ, նրանք են ցուցակը հաստատում, ես որևէ առնչություն չունեմ»,-ասաց ռեկտորը:
Հետևեք մեզ Viber-ում
