«Ոչ ոք այլևս չի համարձակվի բռնանալ ժողովրդի կամքին». Նիկոլ Փաշինյան (video)
«Առաջին Հանրապետության 100-ամյակին հայ ժողովուրդն ապրում է իր քաղաքացիական պատմության փառապանծ էջը: Այսօր Հայաստանում հաստատված է ժողովրդի անշրջելի իշխանությունը:Ոչ ոք այլևս չի համարձակվի բռնանալ ժողովրդի կամքին, որևէ մեկը չի համարձակվի ժողովրդին նվաստացնել ընտրակաշառքի, վարչական հարկադրանքի կամ այլ միջոցով: Հայ ժողովրդի վերածնունդն ու թռիչքը կասեցնելու, ժողովրդի հույսն ու լավատեսությունը կոռուպցիայի ու ամենաթողության մեջ խեղդելու ցանկացած փորձ կարժանանա ջախջախիչ հակահարվածի: Հայաստանի Հանրապետության հաղթական քաղաքացին այլևս թույլ չի տա պետականության կամ քաղաքացիության կորուստ, ինքնիշխանության, հավատի ու լավատեսության կորուստ»,-այս մասին նա հայտարարեց Սարդարապատի հուշահամալիրում Առաջին Հանրապետության 100-ամյակին նվիրված տոնակատարության ժամանակ հայտարարեց ՀՀ վարչապետ Նիկոլ Փաշինյանը : Նիկոլ Փաշինյանի խոսքով՝ այսօր պատմական հնարավորություն է ստեղծվել դառնալ ժողովրդի «հազարավոր ցավերի դարմանողը, անփարատելի սգի ամոքիչը, դարավոր երազանքների իրականացնողը»: Որպես Առաջին Հանրապետության հայրերի ժառանգներ՝ ժամանակակից սերունդը պարտավորություն է կրում ստանձնելու պատմական այդ առաքելությունը: «Հայաստանի Հանրապետությունը երկիր մոլորակի վրա պետք է գոյություն ունենա հավիտյան, ՀՀ դրոշը պետք է հավիտյան ծածանվի՝ խորհրդանշելով մեր ոգին ու հպարտությունը, մեր ազատությունն ու ինքնիշխանությունը»,- ասաց ՀՀ վարչապետ Նիկոլ Փաշինյանը:
Հետևեք մեզ Viber-ում
