Կյանքի ձևն է՝ մեկը գողանում է, մեկը բռնում. Մանվել Գրիգորյան
«Լավ էլի. զինվորական է, բանակի առաջին օրվանից եկել, հասել է, բարձրագույն ուսումնական հաստատություններում սովորել է, գլուխն աշխատում է, ֆիզիկապես առողջ է, գլուխը՝ թարմ»,- ԱԺ ՀՀԿ խմբակցության պատգամավոր Մանվել Գրիգորյանը համաձայն չէ Զինված ուժերի գլխավոր շտաբի պետի պաշտոնում Արտակ Դավթյանի նշանակման շուրջ հնչող քննադատություններին: Նոր իշխանությունների կողմից սկսված կոռուպցիոն բացահայտումների մասին Մանվել Գրիգորյանն ասաց, որ «աբսալյուտնի» մտահոգված չէ, հակառակը. «Լավ են անում, բա եկել են, որ տենց բաներ անեն, հո չեն եկել կոռուպցիա սարքեն, եկել են բացահայտեն»: «Ձեր ո՞րն է, էդ իշխանությունը ձերը չի եղե՞լ... Բայց ի՞նչ գիտես, որ չէին բացահայտվում, հազարավոր նման բացահայտումներ կային: Հազար անգամ բացահայտել են, հազարավոր բաներ են բացահայտել: Կյանքի ձևն է՝ մեկը գողանում է, մեկը բռնում»,-հարցին,թե նչո՞ւ նախորդ իշխանությունները չէին բացահայտում, պատգամավորը,նման կերպ պատասխանեց:
Հետևեք մեզ Viber-ում
