Եթե վարչապետը հրաժարվել է ճռռիկ-վռռիկներով երթևեկելու պրակտիկայից, մյուս պաշտոնյաները պետք է հասկանային. Նիկոլ Փաշինյան

Վարչապետ Նիկոլ Փաշինյանը ֆեյսբուքյան իր էջում գրել է. «Զարմանում եմ տեղեկանալով, որ Հայաստանում դեռ կան պաշտոնյաներ, որոնց մեքենաները շարունակում են չկանգնել լուսացույցի կարմիր լույսի տակ։ Եթե երկրի ղեկավարը՝ վարչապետը այդպես չի վարվում և հրաժարվել է ճռռիկ, վռռիկներով երթեւեկելու մարդկանց նյարդայնացնող պրակտիկայից, մյուս պաշտոնյաները պետք է հասկանային, որ իրենց վարքագծում նույնպես պետք է համարժեք փոփոխություններ տեղի ունենան։ Հույս ունեմ՝ ընդամենը թյուրըմբռնում է և հավելյալ միջոցներ ձեռնարկելու անհրաժեշտություն չի լինի»: