Խոշոր ավտովթար Շիրակի մարզում. Գյումրիում բախվել են Mercedes-ները. կա վիրավոր. ՖՈՏՈՌԵՊՈՐՏԱԺ

Երեկ՝ մայիսի 25-ին, խոշոր ավտովթար է տեղի ունեցել Շիրակի մարզում։ Ժամը 23։30-ի սահմաններում Գյումրի քաղաքի Սայաթ Նովա փողոցում՝ «Վեգա» էլեկտրոնիկայի խանութ-սրահի մոտ, բախվել են Աշոտ Կուրղինյանի վարած Mercedes մակնիշի 29 TT 707 համարանիշի և Mercedes C180 մակնիշի 35 FՏ 635 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով 23-ամյա Արամ Հակոբյանը բժշկական օգնություն ստանալու նպատակով տեղափոխվել է Գյումրու բժշկական կենտրոն, որտեղ առաջին բուժօգնությունը ստանալուց հետո դուրս է գրվել։ Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար Գագիկ Վարդանյանի, դասակի հրամանար Ռաֆայել Ասրյանի գլխավորությամբ։ Դեպի վայր են ժամանել նաև արտակարգ իրավիճակների նախարարության փրկարար ծառայության Շիրակի մարզային ճգնաժամային կառավարման կենտրոնի օպերատիվ խումբը։ Փրկարարները հոսանքազրկել են ավտոմեքենաները, փակել գազաբալոններն ու սահմանազատել տարածքը։ Փաստի առթիվ ՃՈ 2-րդ սպայական գումարտակի 2-րդ վաշտի հետաքննիչի կողմից նյութեր են նախապատրաստվում։ Ոստիկանությունը պարզում է Mercedes C180 մակնիշի ավտոմեքենայի վարորդի ինքնությունը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Խաչիկ Գևորգյանի