Նախարարությունում կան տգետ, տխմար, մշակույթի հետ առնչություն չունեցող մարդիկ. Հ. Խառատյան
Մշակույթի գործիչների և ՀՀ վարչապետ Նիկոլ Փաշինյանի հանդիպման ժամանակ ազգագրագետ Հրանուշ Խառատյանը նախ հանդիմանեց նախարարությանը՝ նշելով, որ այնտեղ աշխատում են տգետ մարդիկ: «Այս Մշակույթի նախարարությունում նստած են հաճախ տգետ, տխմար, խնդիրը չհասկացող և ընդհանրապես մշակույթի գործունեության հետ պակաս առնչություն ունեցող մարդիկ: Արվեստագետները վախենում են նախագիծ ներկայացնել նախարարությանը, քանի որ այդ նախագիծը գողանում են, խղաթյուրում են, այնուհետ գռեհկացրած ներկայացնում հանդիսատեսին»,- հայտարարեց նա: Ի պատասխան, Նիկոլ Փաշինյանը նշեց, որ բարձրաձայնված հարցը առավել շատ ուղղված էր մշակույթի նախարարին. «Կարծում եմ՝ դուք ձևակերպեցիք այն խնդիրը, որ Մշակույթի նախարարը պետք է լուծի, նա լսեց ձեզ։ Իհարկե, մեր խնդիրը հենց Մշակույթի նախարարությունը Մշակույթի նախարարություն դարձնելն է։ Հենց սա ենք հաշվի առել, որ մշակույթի նախարար ենք նշանակել Լիլիթ Մակունցին»:
Հետևեք մեզ Viber-ում
