Դա կապելու է Հայաստանի արտաքին առեւտրով զբաղվողների ձեռքն ու ոտքը. Երջանիկ Աբգարյան

ՀՀ-ի արտաքին քաղաքականության մեջ զգայուն ոչինչ չի փոխվում: Սա, մեղմ ասած, վատ է: Բայց կա նաեւ վատթարը: Շարունակվում է ԱՊՀ շրջանակներում ՀՀ-ի կողմից ստորագրված փաստաթղթերի չհրապարակումը մեր տեղեկատվական մարմինների կողմից: Ես այդպես էլ չգտա Սոչիում ստորագրված փաստաթղթերի ՀՀ-ում տպագրված ամբողջական եւ նույնիսկ մասնակի տեքստերը: Բացարձակ լռություն է նաեւ Աստանայում ՀԱՊԿ-ի ընդունած վերջին փաստաթղթերի պարագայում: Ռուսական մամուլի կցկտուր հաղորդումներից եւս դժվար է հասկանալ այդ փաստաթղթերի ամբողջական էությունը: ՌԴ մամուլի ընդհանրական որոշ արձագանքերից մեկում, այնուամենանիվ, մի հաղորդագրություն կարդացի Սոչիում ստորագրված փաստաթղթերից մեկի վերաբերյալ, որն ինձ զարմացրեց: Այդ փաստաթուղթը կոչվում է <Համաձայնագիր Միության (ԵԱՏՄ-Ե.Ա.) երրորդ երկրների հետ միջազգային պայմանագրերի (կնքման-Ե. Ա.) եւ միջազգային ինտեգրացիոն միավորումների հետ գործելու... կարգի մասին>: Այդ կարգը վերաբերվում է ԵԱՏՄ երկրների կողմից օտար երկրների հետ առեւտրական պայմանագրերի կնքմանը, դրանց դադարեցմանը եւ չեղարկմանը: Դա սահմանում է, որ որեւէ օտար երկրի հետ առեւտրական պայմանագիր կնքելու նախագիծը նախապես քննարկման է դրվում ԵԱՏՄ անդամ երկրների համատեղ ուսումնասիրման խմբում, իսկ որոշումը կայացնում է միայն Եւրասիական բարձրագույն տնտեսական խորհուրդը: Հիմա փորձենք հասականալ. ՀՀ արտաքին առեւտրի տարեկան 75 տոկոսը այդ օտար երկրների հետ է եւ 25 տոկոսը՝ հիմնականում Ռուսաստանի եւ չնչինագույնը (մոտ 50մլն դոլլար) ԵԱՏՄ մյուս երկրների հետ: Վերոհիշյալ համաձայնագրի գործողության մեջ մտնելու պարագայում դա կապելու է Հայաստանի արտաքին առեւտրով զբաղվողների ձեռքն ու ոտքը այլ երկրներից ապրանք ներմուծելու եւ արտահանելու դեպքերում: Սրա քաղաքական գնահատականի բացահատորեն բացասական լինելն այնհայտ է: Իսկ տնտեսակա՞նը: Խոսեք հայ տնտեսագետներ: Նոր իշխանավոր մասնագետները մեկ է, ծպտուն չեն հանի, ինչպես անցյալում էր: Այս մասին գրել է Երջանիկ Աբգարյանը