Վահրամ Բաղդասարյանը արտահերթ ընտրությունների մասին

Աժ արտահերթ ընտրությունների անհրաժեշտություն չենք տեսնում: ԱԺ ճեպազրույցների ժամին լրագրողների հետ զրույցում ասել է ՀՀԿ խմբակցության ղեկավար Վահրամ Բաղդասարյանը: «Մենք հայտարարել ենք, որ որևէ խոչընդոտ չենք լինելու ներկայիս կառավարությանը: Պետք է օժանդակենք այն ծրագրերի ներկայացմանը, որոնք միտված կլինեն երկրի զարգացմանն ու անվտանգությանը: Չգիտեմ՝ ի՞նչն է դրդապատճառը, որ ցանկանում են գնալ արտահերթ ընտրությունների»,-նժել է Վահրամ Բաղդասարյանը՝ հավելելով, որ Աժ-ն իր բնականոն աշխատանքը կարողանում է կատարել՝ առանց խոչընդոտելու: Սակայն նա չցանկացավ Նիկոլ Փաշինյանի ձևավորած կառավարությանը գնահատականներ տալ, քանի որ. «Մեծ մասը նոր են, անհայտ, պետք է աշխատեն, տեսնենք աշխատանքը, նոր գնահատենք: Կան մտավախություններ, բայց Աստված տա՝ իրենց աշխատանքով դրանք փարատեն»: