Կուսակցության նախագահի փոփոխության հարցը քննարկել են.ինչ են որոշել

Հ ՀԿ խմբակցության ղեկավար Վահրամ Բաղդասարյանը՝ անդրադառնալով Հանրապետական կուսակցության նախագահի փոփոխությանը,ԱԺ ճեպազրոևյցների ժամին հայտարարեց. «Դրանք մեր ներքին կուսակցական խնդիրներն են:  Նախագահն անձամբ է դրել իրեն փոխարինելու հարցը:Եղել է քննարկում, իսկ արդյունքները տեսնում եք՝ ՀՀԿ նախագահը Սերժ Սարգսյան է: Երբ ինքը հրաժարական տվեց վարչապետի պաշտոնից, դրեց հարց, որ նպատակահարմար է քննարկել կուսակցության նախագահի հարցը: Այն քննարկվել է»,- նշեց ՀՀԿ խմբակցության ղեկավարը: Սառեցվա՞ծ է ներկայումս ՀՀԿ նախագահի փոփոխության հարցը  , թե օրակարգում է հարցին, Վահրամ Բաղդասարյանը հստակ չպատասխանեց. «Ամեն օր կարող է նույն հարցը բարձրանալ, սառեցնելը ո՞րն է: Ամեն օր նոր իրավիճակ կարող է լինել»: Վահրամ Բաղդասարյանը հայտնեց,որ կառավարության ծրագիրը Ազգային ժողով կներկայացվի հունիսի 1-ին: Նա նշեց, որ ծրագրին կծանոթանան, կտան իրենց գնահատականը,տեղեկացրեց նա: Խոսելով տեսակետների մասին, որ ՀՀԿ-ական գործիչները քաղաքական հետապնդման են ենթարկվում նոր իշխանությունների կողմից, որ վենդետաներ են իրականացվում, պատգամավորն ասաց. «Կան տարբեր գնահատականներ՝ քաղաքական հետապնդում, վենդետա, բայց պետք չէ դա քաղաքական ուժի կարծիքին վերագրել: Եթե այսօրվա կառավարությունը մի քայլ անի՝ դա մեկի սրտով կլինի, տասի սրտով չի լինի, դրա համար գնահատական չեմ ուզում տալ: Եթե քայլեր լինեն, որոնք զուրկ են հիմքերից, մենք մեր գնահատականը կտանք: Հիմնավորված պետք է լինեն քայլերը» Վ. Բաղդասարյանն ասաց, որ ինքը մանրադիտակով հետևում է այդ զարգացումներին: