«Ում եք զեկուցել այդ մասին».Փաշինյանն ու ՍԱՊԾ պետը վիճեցին
ՀՀ կառավարության այսօրվա նիստում վարչապետ Նիկոլ Փաշինյանը մինչ օրակարգի հարցերին անցնելը նշեց. «Տեղեկություն ունեմ, որ Սննդի անվտանգության ծառայության պետ Իշխան Կարապետյանը մայիսի 10-ին և մայիսի 16-ին նամակներ է ստացել Ռուսաստանի Դաշնության կազմակերպությունից :Անկանկալ էր,ես տեղյակ չեմ այս նամակների մասին, պարոն Կարապետյան ես ուզում եմ իմանալ ձեր գործողությունները այս նամակները ստանալուց հետո»,- դիմելով ՍԱՊԾ պետ Իշխան Կարապետյանին,ասաց ՀՀ վարչապետ Նիկոլ Փաշինյանը: «Այդ նամակները պարբերական բնույթ են կրում: Տարվա ընթացքում մենք ստանում ենք բազմաթիվ նամակներ, և մենք նույնպես ուղարկում ենք նամակներ Ռուսաստանի մեր գործընկերներին»,-պատասխանեց Իշխան Կարապետյանը: «Ում եք զեկուցել այդ մասին»,-պնդեց Փաշինյանը: «Ո՞ր իրավիճակի մասին, պարոն վարչապետ»,-հարց ուղղեց Կարապետյանը: «Էն, որ մեր ռուս գործընկերներից նամակներ ենք ստանում, կոնկրետ իրավիճակներ են ներկայացնում: Ես ուզում եմ իմանալ ում եք այս մասին զեկուցել: Ես վարչապետի պաշտոնը ստանձնելուց հետո զանգել եմ ձեզ հարցրել, խնդիրներ ունե՞նք գյուղմթերքի արտահանման վերաբերյալ, դուք ասել եք, որ ոչ: Դրանից հետո նամակներ եք ստացել և իմանալով, որ ինձ դա հետաքրքրում է, ուզում եմ իմանալ՝ ում եք զեկուցել և ինչ խնդիրներ եք ձեռնարկել այդ խնդիրները վերացնբելու ուղղությամբ »,- ասաց վարչապետը: Փորձել եմ կապվել փոխվարչապետ Արարատ Միրզոյանի հետ, բայց չի ստացվել: Խնդրի առնչությամբ քայլեր ձեռնարկել են,պարզաբանեց Կարապետյանը: Վարչապետն էլ պահանջեց, որ գյուղմթերքների արտահանման գործընթացը տեղի ունենա անհրաժեշտ պայմանների խստիվ պահպանմամբ:
Հետևեք մեզ Viber-ում
