Եվրոպայի առաջնություն. Մաքսիմ Մանուկյանի գոտեմարտերը

Լատվիայի մայրաքաղաք Ռիգայում ավարտված հունահռոմեական ոճի ըմբշամարտի Եվրոպայի առաջնության վերջին օրը Հայաստանի ներկայացուցիչներից չէր կարողացել մեդալ նվաճել 85 կգ քաշային Մաքսիմ Մանուկյանը: Հայ ըմբիշը պայքարը սկսել էր որակավորման փուլից, որտեղ 3:0 հաշվով հաղթել էր չեխ Արտուր Օմարովին: 1/8 եզրափակիչում Մանուկյանը հանդիպեց ռուս Եվգենի Սալեեւին եւ, պարտվելով 6:11 հաշվով, լքեց պայքարը: Առաջին մրցափուլից հետո Մաքսիմը հաղթում էր 6:3 հաշվով, բայց չպահպանեց առավելությունը դիտարժան պայքարում անցած գոտեմարտում: Եվգենի Սալեեւը պարտվել էր կիսաեզրափակիչում, հետո էլ՝ բրոնզե մեդալի համար գոտեմարտում: Հիշեցնենք, որ հունահռոմեական ոճի ըմբշամարտի Հայաստանի հավաքականը Վարշամ Բորանյանի (71 կգ) ոսկե, Ռոման Ամոյանը (59 կգ) ու Արթուր Ալեքսանյանի (98 կգ) արծաթե եւ Կարապետ Չալյանի (75 կգ) բրոնզե մեդալների շնորհիվ թիմային հաշվարկում գրավել էր երկրորդ տեղը՝ զիջելով միայն Ռուսաստանին: Ազատ ոճի ըմբշամարտի Հայաստանի հավաքականը մեդալ չէր նվաճել Ռիգայում: