Լարված իրավիճակ Փարաքարում. բնակիչները մասնակիորեն փակել են Էջմիածին-Երևան ավտոճանապարհը.ՖՈՏՈՌԵՊՈՐՏԱԺ

Այսօր՝ մայիսի 23-ի վաղ առավոտից Արմավիրի մարզի Փարաքար, Թաիրով գյուղի մեծ թվով բնակիչներ մասնակի փակել էին Էջմաիծին-Երևանի ավտոճանապարհը: Ինչպես հայտնում է ֆոտոլրագրող Գագիկ Շամշյանը, բնակիչներն այդկերպ իրենց բողոքի ձայն էին բարձրացնում այն հարցի շուրջ, որ ավտոճանապարհի հանդիպակաց և համընթաց երթևեկելի գոտիները բաժանող հատվածում ընթանում են երկաթե արգելապատնեշների փոխարինում և նորի տեղադրում: SHAMSHYAN.com-ի թղթակցի հետ զրույցում բնակիչներն ասում էին, որ նոր տեղադրվող արգելապատնեշները նախագծով լինելու են 3 մետրից բարձր, ինչի պատճառով իրենք, այսպես կոչված, «բանտային» պայմաններում պետք է ապրեն: Նաև, որ նշված հատվածում բացակայում են ավտոմեքենաների հետադարձի համար նախատեսված տեղերը, իսկ հետիոտների համար՝ անցումները: Նրանք դիմեցին ՀՀ վարչապետ Նիկոլ Փաշինյանին՝ հույս ունենալով, որ նա անտարբեր չի գտնվի առաջացած խնդրի շուրջ և համապատասխան կարգադրություններով բնակիչների հետ կգան ընդհանուր հայտարարի, քանի որ բնակիչներն ունեն իրենց առաջարկը: Լուսանկարները՝ Սմբատ Պետրոսյանի