Աշոտյանի ակնարկը. Սաակաշվիլիի օրոք ռեֆորմներ արվեց, սակայն պարտվեց օգոստոսյան պատերազմում
«Ազգ-բանակ» գաղափարը որևէ մեկի սեփականությունը չէ, որևէ քաղաքական ուժի մենաշնորհը չէ։ Այս մասին Ազգային ժողովում հայտարարությունների ժամին ասել է ԱԺ պատգամավոր Արմեն Աշոտյանը։ «Շատ է խոսվում սիրո և համերաշխության մթնոլորտի մասին։ Հիշեցնեմ, որ վերջին իշխանափոխության ակտիվներից մեկն էր կապվում էր սահմանադրականության հետ։ Սակայն այլակարծության և բազմակարծության հետ կապված մտահոգություն ունեմ: Սահմանադրականության խնդիր եմ տեսնում, երբ երկրի վարչապետը հորդորում է պաշտպանության նախկին նախարարին կարծիքներ չհայտնել սոցցանցերում»,- ասել է Աշոտյանը: Աշոտյանն անդրադարձել է նաև «Ազգ-բանակ» գաղափարին, ընդգծել, թե այն որևէ մեկի սեփականությունը չէ, որևէ քաղաքական ուժի մենաշնորհը չէ։ «Այն խնդիր է լուծում մոբիլիզացնելու հասարակական ռեսուրսը արտաքին ագրեսիայի դեպքում։ Ավելորդ է խոսել, որ արտաքին ագրեսիան իրատեսական է մեր դեպքում։ Ժողովրդավարությունը, հակակռուպցիոն պայքարը երկրի ուժեղացնող գործոններ են, բայց բավարար չեն անվտանգային համակարգը ամրապնդելու համար»,- ասել է Աշոտյանը և հիշել Վրաստանը, որը Սաակաշվիլիի օրոք ռեֆորմներ արեց, սակայն պարտվեց օգոստոսյան պատերազմում։
Հետևեք մեզ Viber-ում
