«Դա ինքնախաբեություն է, այլևս վերադարձ անցյալին չի կարող լինել». Ալեն Սիմոնյան
ԱԺ-ում լրագրողների հետ զրույցում խմբակցության նորընտիր պատգամավոր Ալեն Սիմոնյանը, անդրադառնալով տեղեկություններին, թե Սերժ Սարգսյանը ՀՀԿ-ականներին հորդորել է մի քանի ամիս սպասել, Ալեն Սիմոնյանն ասաց, որ դա ծիծաղելի է: «ՀՀԿ-ում բազմաթիվ պատգամավորներ կան, որոնք մեծ հաճույքով կմասնակցեն նոր ընտրություններին և նույնպես ցանկանում են ընտրությունների գնալ հնարավորինս շուտ»,- փաստեց նա: Նա նշեց, որ երբ հեռանում էր ՀՀՇ-ն, այն ժամանակ էլ նման հորդորներ կային. «Ժամանակին իմ ունեցած տեղեկություններով, երբ նախորդ` ՀՀՇ-ի իշխանությունը հեռանում էր, նման հորդորներ նույնպես կային ներքին ինչ-որ խողովակներով: Կարծում եմ, որ դա ինքնախաբեություն է, այլևս վերադարձ անցյալին չի կարող լինել»:
Հետևեք մեզ Viber-ում
