Ստեղծել քաղաքական երկխոսության ֆորմատ՝ 4+4+4 ձևաչափով.ՀԱԿ

«Ընտրական օրենսգրքի ընդունումը տվյալ քաղաքական իրավիճակում ստացել է շատ կարևոր նշանակություն և մոտեցումը չի կարող լինել ֆորալ, թե ինչ ընթացակարգերով պետք է այն պառլամենտում քննարկվի: Ես կարծում եմ, որ ԱԺ ղեկավարությունը կարող է դիրքորոշում ունենալ և նպաստել, որ ստեղծվի քաղաքական երկխոսության ֆորմատ՝ 4+4+4 ձևաչափով՝ 4 հոգի իշխանությունից, 4 հոգի ընդդիմադիր խմբակցություններից և 4 հոգի քաղաքացիական հասարակությունից»,- ԱԺ նիստում  հայտարարեց ՀԱԿ խմբակցության ղեկավար Լևոն Զուրաբյանը ՝ կարևորելով արտախորհրդարանական ուժերի մասնակցությունը ԸՕ քննարկումներին: «  Իշխանության նպատակը ֆորմալ քննարկումները չեն, այլ նպատակն է՝ հասնել նոր ԸՕ ընդումանը, որը հնարավորինս կբարձրացնի ընտրական գործ նկատմամբ վստահության մակարդակը: Ժ պետաիրավական հանձնաժողոում քննարկումներ կլինեն մարտի 18-ին՝ խմբակցությունների մասնակցությամբ, հետո կլինի ընդլայնված քննարկում:Այն, որ չկա մի հարց, որ քննարկման ենթակա չէ, սա փաստ է»,- հայտարարեց ԱԺ փոխխոսնակ Էդուարդ Շարմազանովը,ով ԱԺ  նախագահի պաշտոնակատարն է: ՀՀԿ խմբակցության ղեկավար Վահրամ Բաղդասարյանն իր հերթին հայտարարեց, որ պատրաստ են ստեղծել աշխատանքային խումբ՝ բոլոր ուժերի մասնակցությամբ: «Մենք աշխատանքային խումբ չենք առաջարկում:Դուք կարող եք լսել բոլոր առաջարկները և մերժել դրանք: Մեր առաջարկն է, որ այլ պրոցես կազմակերպվի և ԵԱՀԿ ԺՀՄԻԳ-ի ասածով ԸՕ-ն ընդունվի կնսենսուսով և լինի քաղաքական երկխոսության ձևաչափ, որը թույլ կտա բոլոր քաղաքական ուժերին հասնել այնպիսի լուծման, որ ժողովրդի վստությունը վերականգնվի ընտրությունների նկատմամբ»,-մանրամասնեց Զուրաբյանը: