Բերման ենթարկված քրեական հեղինակությունների թվում է Արտյոմ Կանևսկոյը

ՀՀ ոստիկանություն բերման ենթարկված քրեական հեղինակությունների մեջ է եղել նաև Արտյոմ Կանևսկոյը (Հարությունյան): Այսօր Shamshyan.com-ը տեղեկացրել էր, որ ոստիկանության տարբեր ստորաբաժանումներ են բերման ենթարկվել 10-ից ավելի օրենքով գողեր և 3 տասնյակից ավելի հանցագործ աշխարհում հայտնի հեղինակություններ: Armtimes.com-ի տեղեկություններով՝ նրանք ինչպես բերման ենթարկվել, այնպես էլ ազատ են արձակվել: Ոստիկանությունն, ըստ էության, հերթական պրոֆիլակտիկ բնույթի աշխատանքներ է իրականացնում: Քրեական հեղինակությունները պարբերաբար բերման են ենթարկվել կամ զենք պահելու կասկածանքով, կամ թիկնազորով շրջելու համար: Մասնավորապես Կանևոսկոյն ու իր թիկնազորը հաճախ են հայտնվել ոստիկանությունում: