Բրազիլացիները պահանջում են երկրի նախագահի հրաժարականը

AP-ն հայտնում է,որ  մոտ  3 մլն բրազիլացի մարտի 13-ին դուրս է եկել երկրի փողոցներ՝ պահանջելով երկրի նախագահ Դիլմա Ռուսեֆի հրաժարականը: Միայն Սան-Պաուլուում փողոց է դուրս եկել 1,4 միլիոն մարդ,իսկ ահա Ռիո դե Ժանեյրոյում հականախագահական ցույցին մասնակցել է մոտ 1 միլիոն մարդ: Բրազիլիայի մայրաքաղաքում և երկրի 200 այլ քաղաքներում նույնպես անցկացվել են բողոքի զանգվածային ակցիաներ, Ընդհանուր առմամբ՝ բրազիլական ոստիկանությունը տեղեկացրել է ավելի քան 3 մլն ցուցարարի մասին ողջ երկրում: Բողոքի ցույցերը երկրում սկսվել են այն բանից հետո, երբ Ռուսեֆը հրաժարվել է հրաժարական ներկայացնել: Առաջին անգամ բողոքի ցույցերին միացել է նաև պաշտոնական ընդդիմությունը: Այդկերպ կուսակցությունները հույս ունեն ազդել խորհրդարանի պատգամավորների վրա, որպեսզի նրանք քվեարկեն նախագահին իմփիչմենթ հայտնելու օգտին, որի մանդատը պաշտոնապես լրանում է 2018 թվականի վերջին: Ռուսեֆի վարկանիշը հազիվ է հասնում 10 տոկոսի: Բրազիլացիների 60 տոկոսը կողմ է նրա իմփիչմենթին: