Սերժիկ Ավետիսյանը՝ Սամվել Բաբայանի գործով հայցադիմումի մասին
«Օրենքով սահմանված ժամկետն ընթացքի մեջ է: Ի՞նչ է գործընթացն իրենից ներկայացնում. եթե բողոքները թերի են լինում, վերադարձվում են մինչև 1 ամսում: Կարող ենք ֆիքսել, որ բողոքը թերություն չի պարունակում, ուստի հիմքեր չկան վերադարձնելու: Հետո սկսվում է գործել եռամսյա ժամկետը, հաշվեք ապրիլի 17-ից սկսած: Սահմանված ժամկետում Վճռաբեկը պարտավոր է կայացնել համապատասխան որոշում»,- ԼՂՀ պաշտպանության բանակի նախկին հրամանատար Սամվել Բաբայանի գործով հայցադիմումի մասին խոսելով ասաց Վճռաբեկ դատարանի քրեական պալատի նախագահ Սերժիկ Ավետիսյանը,ով բողոքի ցույցի մասնակիցների հետ հանդիպման էր եկել: «Մեր պահանջն է հսեղմ ժամկետում վարույթ ընդունել արդարացման հայցադիմումը»,-ցուցարարները պահանջեցին, որ դա արվի հնարավորինս արագ՝ հաշվի առնելով քաղաքական նոր իրավիճակը: «Դա կապված է գործի էությունից, բովանդակությունից : Որևէ մեկը չի կարող ասել՝ 5, 10 օրից այս կամ այն գործով կստանաք պատասխան»,- արձագանքեց Սերժիկ Ավետիսյանը:
Հետևեք մեզ Viber-ում
