ԵՄ-ն մտադիր է վերանայել ՌԴ հանդեպ իր ռազմավարությունը

Коммерсантъ-ը՝ վկայակոչելով իր աղբյուրներին հաղորդում է,որ  ԵՄ  անդամ երկրների արտգործնախարարները երկուշաբթի օրը՝ մարտի 14-ին, կայանալիք հատուկ նիստի ժամանակ կքննարկեն Ռուսաստանի նկատմամբ նոր ռազմավարության մշակման հարցը,   արտգործնախարարները կփորձեն մշակել նոր ռազմավարություն, քանի որ ԵՄ-ում ընդունել են Ռուսաստանի հետ նախկին հարաբերություններին վերադառնալու անհնարինությունը։   «Վերջին տարիներին տեղի ունեցած իրադարձությունների ֆոնին եվրոպական մայրաքաղաքներում եկել են եզրակացության. ցանկացած սցենարի դեպքում business as usual ոճով Ռուսաստանի հետ հարաբերություններին հնարավոր չէ վերադառնալ: Այժմ մենք չունենք Ռուսաստանի հետ հարաբերությունների մասին ընդհանուր պատկերացում, կան միայն պատժամիջոցներ, բայց այդպես միշտ չի կարող շարունակվել»,- ասել է ԵՄ կառույցներում աղբյուրը: