ԱՄՆ-ն իմացել է Անկարայում նախապատրաստվող ահաբեկչության մասին

Անկարայում ԱՄՆ դեսպանատան ներկայացուցիչներն այսօր հաստատել են, որ տեղյակ են եղել Թուրքիայի մայրաքաղաքում հարձակման  հնարավոր նախապատրաստման մասին, ինչի մասին զգուշացրել են իրենց քաղաքացիներին սեփական կայքի միջոցով, հայտնում է Daily Sabah-ը: Դիվանագետները տեղեկություն են ստացել Թուրքիայի իշխանություններից պատրաստվող հարձակումների մասին, որոնց էլ, իր հերթին, հայտնել է հետախուզությունը: Թուրքական կողմը դեռ չի մեկնաբանել այդ հայտարարությունը: Ըստ վերջին տվյալների՝ Անկարայում տեղի ունեցած ահաբեկչական հարձակման հետևանքով զոհվել է 34 մարդ, ևս 125-ը՝ վիրավորվել: Պայթյունը տեղի է ունեցել մի ավտոմեքենայում, որը գտնվում էր հասարակական տրանսպորտի կանգառում: